Politiijat balahit guokte biilavuoddji, Deanus ja Unjárggas, vuodján gárrenoaivvis.
Duorastaga eahkeda bissehedje politiijat guokte biilavuoddji geaid navdet vuodján gárrenoaivvis.
– Muhtin biilavuoddji bissehuvvui Ruostefielmmás, Deanus. Sus ii leat biilavuodjenkoarta, son lei gárremiin ja biila mainna vujii lea nu heajos stánddas ahte das leat gáibidan čuohppat šilttaid. Áššit leat álggahuvvon, čállet Finnmárkku politiijat Twitteris.
Maiddái Vuonnabađas, Unjárgga gielddas, bissehuvvui muhtin biilavuoddji gean balahit vuodján gárrenoaivvis.
– Politiijat balahit ahte biilavuoddji lei gárremiin. Mii leat čađahan iskosiid ja álggahan ášši.
