Oarje-Finnmárkku politiijat ožžo dieđu huikima birra Komsas Álttás ja vulge báikái. Ránnját ledje heađáhuvvan go gulle huikasa ja riŋgeje politiijai. Politiijat fitne Komsas njulgeme dili ja hupmame suinna gii vuorjjai ránnjáid.
Muhtin eará feastas Nerskogenis Álttás lei okta dievdu leamaš bahás mielas ja áitán olbmuid. Politiijat fitne báikkis hupmame olbmuiguin geat ledje feastas, ja politiijat šadde váldit dievddu mielde gii oaččui dieđu ahte ii galgga šat boahtit dan festtii.
Guovdageainnu politiijat leat leamaš studeantavisttiin ja heaittihan feasta go ránnját eai bállen oađđit. Dán čállá Oarje-Finnmárkku politiijaguovlu Twitteris.
