-Almmuhus-
-Almmuhus-
-Almmuhus-
OĐĐASATBissehan váralaš huksemiid

Bissehan váralaš huksemiid

-

-

Mannan čakčamánu finai  Bargobearráigeahčču 364 bearráigeahččamin váralaš barggu allodagas ja váralaš sahágeavaheapmi. – Sihkkarastit barggu allodagas dahje barggu saháin mas ii leat suodji, sáhttá leahkit hirbmat váralaš ja lihkohis váikkuhusat sáhttet leat stuorrát, lohká Bargobearráigeahču direktevra Trude Vollheim 

Bargobearráigeahčču bissehii 100 barggu 364 bearráigeahčus go eai lean sihkkarastán barggu allodagas. Bargobearráigeahčču huksensuorggi akšuvnna ulbmil lea geahpedit gahččanlihkohisvuođaid ja gieđaid ja suorpmaid čuohpademiid. Bargobearráigeahčču lea dárkkistan ahte bargu allodagas dahkko sihkkaris vuogi mielde ja ahte saháin leat giehtasuddjemat. 

– Lea bargoaddi ovddasvástádus fuolahit bargiid sihkarvuođa. Lea dattetge dehálaš čujuhit bargobirasláhkii mii adde bargiide vuoigatvuođa ja geatnegasvuođa botket barggu jus sin mielas dat bargu sáhttá áitit heakka dahje dearvvašvuođa, lohká Trude Vollheim 

Bargobearráigeahčču árvvoštallá sáhkkohit 60 bargoaddi jus leat rihkkon bargobiraslága. Dán jagi lea maid bargguid bissehanlohku olu, muhto lea mealgat buorránan 2018 ektui. Bargobearráigeahču duođalaš bargolihkohisvuođa statistihkka čájeha ahte eanaš lihkohisvuođat huksen- ja rusttetealáhusas dáhpáhuvvet go bargi bargá allodagas. Muhtin jápminlihkohisvuođat leat maid čadnon váilevaš dahje boasttu gahččansihkkarastimii. Eanaš lihkohisvuođaid sáhttá garvit jus bargit ožžot oahpu mo galget láhttet. 

-Almmuhus-