Máilmmeviidosaš WHO-studia, mii dál lea jođus Norgga buohcceviesuin, bissehit dál maláriadálkasa hydroksyklorokin ovtta gaskka, go varas iskan čájeha ahte ii oro ávkkuhan dálkkodit 100 000 olbmo dáinna dálkkasin.
– Mii bissehat dán studia gaskaboddosaččat vai geargat árvvoštallat iežamet dieđuid, eará studiadieđuid ja gálduid dan birra, lohká Dutkanráđi hálddahuslaš direktevra John-Arne Røttingen, gii heiveha dán máilmmiviidosaš dutkama.
Studia, man The Lancet almmuhii mannan bearjadaga, 22.05. geažuhii ahte dálkasa lassiváikkuhusat, baicce lasihit jámolašvuođa, dieđiha Dutkanráđđi preassadieđáhusas. Røttingen čilge dat lea sivva manin váldet dán dálkasa eret studias, muhto deattuha ahte eai sii leat velá geargan dutkat dán ášši ollásit.
