Rievdadusat sáhttet ain boahtit, muhto dá leat gaskaboddosaš válgabohtosat Girkoválggain, bismmagoddái.
Válgalohkan čájeha ahte Davvi-Hålogalánddas oažžu Rabas Álbmotgirkulistu njeallje áirasa, Nominašunlistu oažžu guokte áirasa ja Rohkoslistu oažžu ovtta áirasa bismmagoddái.
Dán jagi lei vuosttáš geardde go bismmagoddeválggaide ledje golbma listu almmuhuvvon. Ovddit válggas ledje guokte válgalistu bismmagoddái ja ovdal dan lea dušše Nominašunlistu leamaš válggain.
Persovdnajienat eai leat vel lohkkon ja dan dihte sáhttet válgabohtosat ain rievdat. Loahpalaš válgabohtosat almmuhuvvojit čakčamánu 20. beaivvi.
