Bismaguovllu direktevra Oddgeir Stenersen almmuhii cuoŋománu 28. beaivvi ahte son lávke ealáhahkii. Son lei dalle bargan 17 jagi Davvi-Hålogalándda bismaguovllu direktevran.
Bismaguovllu direktevra Oddgeir Stenersen lea jođihan bismaguovllu stuorra molsašuddi áigodagas. Su bargoáiggis lea Norgga kirku guođđán stáhtakirku namahusa ja lea dál iešheanalaš oskoservodat, oktan buot daid organisatoralaš rievdademiin mat dat lea mielddisbuktán. Okta bargu mii ii leat nu dovddus, lea ahte son leamaš hirbmat dehálaš oažžut 15 kvena sálmma Norgga sálbmagirjái.
– Oddgeir Stenersen lea jođihan kirku kirku ulbmila mielde ja kirku leamaš su eallin. Háliidan giitit Oddgeira su nana oskkáldasvuođa kirkui ja maiddái buori ovttasbarggu ovddas, lohká Davvi-Hålogalándda bisma Olav Øygard preassadieđáhusas.
