Deanunieida Signe Marie Fidje Store lei birgetmeahttun heaibungilvvuin Västeråsas Ruoŧas mannan vahkkoloahpa.
Deanunieida Signe Marie Fidje Store lei birgetmeahttun heaibungilvvuin Västeråsas Ruoŧas mannan vahkkoloahpa.
Signe Marie Fidje Store vuittii heaibungilvvuid MälerCupen gilvvuin Västeråsas Ruoŧas mannan vahkkoloahpa. Nubbi Deanunieida, Gunn Rita Boine, šattai fas goalmmádin iežas luohkás.
MälerCupen leat stuorra internášunála heaibunmárkanat gosa ledje 768 heaibu boahtán 132 iešguđetlágan searvvis. Deanu heaibunjoavkkus oasálasttiiga Signe Marie ja Gunn Rita.
Signe Marie vuittii vuosttas heaibuma nu gohčoduvvon njeaidimis, ja daid eará heaibumiid gal vuittii go lei erenoamáš buorre teknihkalaččat.
Oktiibuot vuittii Signe Marie 26-0, gii dán jagi heaibbui nissoniid 75 kilosaš luohká seniorjoavkkus.
Gunn Rita Boine fas heaibbuid nissoniid seniorjoavkku 60 kilosaš luohkás.
Vuosttas heaibumis vuittii maid son njeaidimiin, muhto vuoittáhalai dan guokte nuppi heaibumis. Maŋimuš heaibumis vuittii Gunn Rita fas njeaidimiin ja birgehalai goalmmát sajiin. Dán čállá Deanu heaibunsearvi iežas interneahttasiiddus.
