-Almmuhus-

VALÁŠTALLANBirgehalle ja bissot Eliteráiddus

Romssa spábbačiekčansearvvi TIL gánddat illudedje maŋŋel go čielggai ahte jotket čiekčamis Eliteráiddus boahtte jagi. Kárášjohkalaš Hans Norbye láidesta eará čikčiid go ávvudit vuoittu. Govven: Rune Stoltz Bertinussen / NTB scanpix

Birgehalle ja bissot Eliteráiddus

Kila Anti

-

20/11/2017 09:13

-

Ođasmahtton: 02/07/2019 16:02

Romssa spábbačiekčanjoavku TIL beassá boahtte jagi maid čiekčat Norgga Eliteráiddus, dat čielgga ikte maŋŋel go časke FK Haugesund 2-0.

Romssa spábbačiekčansearvi ii leat birgehallan nu bures dán áigodaga Eliteráiddus, ja muhtin áigge leamaš ballu ahte TIL massá sajis Eliteráiddus.

Dattetge nagodii suopmelaš Simo Valakari jorggihahttit joavkku maŋŋel go válddii badjelasas hárjeheaddjebarggu.

TIL lea vuoitán máŋga čiekčama maŋimuš áiggi, ja ikte vuite ruovttušiljus 2-0 FK Haugesund vuostá.

Sápmelaš Morten Gamst Pedersen bidjalii nuppi moala Romssa ovddas, vuosttaš moala čievččastii Thomas Lehne Olsen.

Sápmelaš Morten Gamst Pedersen bážii TIL nuppi moala ievttá čiekčamiin go vuite 2-0 FK Haugesund vuostá. Govven: Rune Stoltz Bertinussen/NTB scanpix

Guoskevaš artihkkalat

-Almmuhus-