Katalána dutki Joan Joan Martinez-Alier oažžu dan jagáš Holberg-bálkkašumi. Son lea leamašan njunnošis ráhkadit «The Environmental Justice Atlas» mas leat mielde biraskonflivttat nu go Fovsen-ášši ja Álttá-Guovdageainnu čázadaga dulvadeapmi.
Joan Joan Martinez-Alier oažžu dán jagáš Holberberg-bálkkašumi dutkamušaid ovddas maid lea čađahan surggiin ekonomiija, politihkalaš ekologiija ja birasáššit ja vuoiggalašvuohta.
Holberg-bálkkašupmi lea riikkaidgaskasaš dutkanbálkkašumi man árvu lea 6 miljovnna ruvnno. Dat geigejuvvo dutkái gii lea dahkan mearkkašahtti dutkanbarggu fágasurggiin humaniora, servvodatdieđa, jus ja teologiija.
– Iežan dutkamušas háliidan čájehit mo ekonomalaš vuoitu ja energiijadárbbuid rievdan ja lassáneapmi konflivttain mat leat čadnon birasgáhttemii leat iešguđet bealis seamma áššis, čilge bálkkašumi vuoiti NTB:i.
Martinez-Alier lea earret eará stuora bargguin leamašan njunnošis «The Environmental Justice Atlas». Dasa leat čohkkejuvvon miehtá máilmmi biras- ja vuoiggalašvuođakonflivttat . Vuoiggalašvuođaatlásas leat juo fargga 4000 biraskonflivtta namuhuvvon. Norgga áššiin leat earret eará Fovsen-bieggafápmoášši, Álttá-Guovdageainnu čázadaga dulvadeapmi ja oljobohkan Árktalaš guovlluin dán registaris.
Bálkkašupmi geigejuvvo seremoniijas Bergen Universitehtas geassemánu 8. beaivvi. (©NTB)
