Birasdirektoráhtas lea iešguđetlágan doaibmabijut eastadit birasrihkkuma. Mannan jagi sáhkkohii Birasdirektoráhtta 46 geardde birasrihkusáššiid.
– Smávit láhkarihkkumat, mat eai leat nu duođalaččat ahte sáhttit daid váidit politiijai, sáhttit mii sáhkkohit. Dál beassat mii sáhkkohit olbmuid jus olbmot rihkkot birasnjuolggadusaid, lohká Birasdirektoráhta direktevra Ellen Hambro preassadieđáhusas.
Dat gusto earret eará jus bivdá lobiheamet guovlluin gos leat ráddjehusat (johkanjálmmiid ráfáidahttinguovlluin), jus ii leat máksán guolástankoartta, jus lea rihkkon riikka sisa- ja olggosfievrredanlobi gáibádusa riikkaidgaskasaš áitojuvvon elliidšlájaid gávppis. Maiddái jus rihkku mohtorjohtolatlága, luossa- ja siseatnanlága, luonddumáŋggabealatlága, dálkkádatearrelága, nuoskkidanlága ja buvttadandárkkistanlága.
– Dan sadjái go váidit sin politiijai, de sáhkkohit mii sin go leat rihkkon njuolggadusaid. Dan láhkai sáhttit mii jođánit ráŋggáštit jođánit smávit duođalaš láhkarihkkumiid ja nu eastadit mii jođánit ja beaktilit dábálaš láhkarihkkumiid. Mii leat geavahišgoahtán dan vuogi dávjjibut jus olbmot eai doahttal lága, lohká birasdirektevra Ellen Hambro.
Overtredelsesgebyr dahje birasrihkusáššiid sáhkkohallamis sulasta sáhkku, muhto ii rehkenastojuvvo ráŋggáštussan ráŋggáštuslága dahje Vuođđolága mielde. Danin ii biddjo dat olbmuid láhttenduođaštussii dahje váikkuha eará láhkai nu mo ráŋggáštus sáhttá dahkat.
