Birasdirektoráhtta lea ožžon barggu guorahallat ođđa skuterlága mii dohkkeha lustavuodjima skuteriin meahcis.
Birasdirektoráhtta lea ožžon barggu guorahallat ođđa skuterlága mii dohkkeha lustavuodjima skuteriin meahcis.
Stuoradiggi dohkkehii diibmá ođđa skuterlága mii lea leamaš riidduvuloš ášši. Dál áigu Dálkkádat- ja birasdepartemeanta eanet dieđuid makkár váikkuhusat láhkarievdadeamis leat meahccái, luondduriggodahkii ja báikkálaš ealáhusaide.
Guorahallat skutergeavaheami
Reivvestis Birasdirektoráhttii, maid NTB lea beassan oaidnit, evttohuvvo guorahallat lága viđa jagi badjel.
– Guorahallamis ferte boahtit ovdan makkár viidodagas ja ovdánahttin skutergeavaheamis lea ja geahččat dagahit go láhtut unnit dahje eanet lobiheames vuodjima, čuožžu reivves.
– Sáhttet maid leat dieđut mat leat ávkin suohkaniidda go galget plánet ođđa láhtuid, čuožžu vel reivves.
Guovvamánus dán jagi lasihuvvui dan láhkii ahte galgá guoskat maid skutervuodjimii jávrriid alde dálvet Finnmárkkus ja Davvi-Romssas. Meahcástanorganisašuvnnat leat váidán dán láhkarievdadeami siviilaáittardeaddjái. (©NTB)
