Eaktodáhtolaččain geat barget Bingesritt sihkkelastingilvvuin lea buollán beroštupmi sihkkelastimii. Lágideaddji fállá dál sierra sihkkelastima vai bargit maid besset searvat.
Eaktodáhtolaččain geat barget Bingesritt sihkkelastingilvvuin lea buollán beroštupmi sihkkelastimii. Lágideaddji fállá dál sierra sihkkelastima vai bargit maid besset searvat.
Lea vihtta jagi áigi go Mieron ja Máze gilisearvvit lágidedje sihkkelastima vuosttaš geardde. Dan háve eai diehtán nu ollu sihkkelastimiid birra, ja vuosttaš jagi serve 37 sihkkelasti.
Valáštallamii lassánii ipmárdus ja álge ráhkadit njuolggadusaid cavgilemiin maid ožžo eará sihkkelastiiguin ja sihkkelklubbain.
Beroštupmi buollái
– Vuosttaš lágideami maŋŋel fuobmáimet ahte bargiin maid lei beroštupmi sihkkelastimiidda, ja dál leat viimmáskan oalát sihkkelastimiidda. Hui máŋggas leat maŋemus jagiid ieža álgán sihkkelastit, ja leat sávvan beassat searvat Bingesrittii, dieđiha Bingesritta preassadieđáhusas.
Čovdet hástalusa
Juohke jagi leat birrasiid 60 eaktodáhtolaš bargi geat barget garrasit sihke álggus loahparádjái. Lágideapmi dárbbaša eaktodáhtolaččaid, ja vai doalahit sin eaktodáhtolažžan gilvvuid vuolde, de čoavdit hástalusa nu ahte bargit besset searvat sihkkelgilvui – beaivvi maŋŋel go Bingesritta lea čađahuvvon.
Bargiide sosiála doalut maid
Sihkkelastima čađahit boares luoddaráigge Mieronis Mázii. Inga Márjá Sarre boahtá sihkkelastiid liekkadit diibmu 11:s ja oasseváldit sáhttet dollet sihkkeliiguin gaskkal diibmu 11 ja 12.
– Mii sávvat ahte galgá leat suohtas ja sosiála leat mielde bargat Bingesrittas. Danne bovdet mii eaktodáhtolaččaid vel loahpahanfestii seamma beaivvi. Doppe guossohit mállásiid ja juohkit skeaŋkkaid ja vuoittuid eaktodáhtolaččaide, muitala Bingesritta preassadieđáhusas.
Sihkkelastimat leat ihttin, lávvordaga, ja vuolgga lea Mieronis. Sotnabeaivvi duolmmastit eaktodáhtolaččat Mieronis Mázii.
