Álttás šadde buollindoaimmahat guktii vuolget gádjunbargui, lastaboaldima ja rássečuohppanmášiinna geažil mii lei ožžon beare ollu olju.
Álttás šadde buollindoaimmahat guktii vuolget gádjunbargui, lastaboaldima ja rássečuohppanmášiinna geažil mii lei ožžon beare ollu olju.
Gaskavahku diibmu 18.47 ožžo Oarje-Finnmárkku politiijaguovla dieđu lastaboaldin lei bidjan ovtta ássanguovllu suova sisa, Kronstadas Álttás. Buollindoaimmahat dieđihuvvui ja manne iskat ášši.
Diibmobeale maŋŋelaš, diibmu 19.22, dieđihedje politiijat ahte buollindoaimmahat ledje leamaš báikkis, ja dolla lei de jáddaduvvon. Dievdu guhte lei boaldime, oaččui dieđu ahte ii leat lohpi dahkat dolá gili siste.
Maŋŋelaš eahkedis, diibmu 10.00 ožžo politiijat Álttás fas dieđu suovaovdáneami birra, dán háve ges Myrsethveienis. Politiijat, Buollindoaimmahat ja ambulánsa manne báikái.
Čájehuvvui ahte ii lean buollin, muhto lei okta rássečuohppanmašiidna mii lei ožžon beare ollu oljju ja suovastii. Dan dieđiha Oarje-Finnmárkku politiijaguovlu twittera bokte.
