Politiijat dieđihit Twitteris ahte gaskal Kárášjoga ja Gáregasnjárgga lea mannan ija leamaš biilalihkohisvuohta. Biilavuodji báhtarii lihkohisvuođabáikkis, gávdnui lahka iežas ruovttu.
Heahtebálvalusat ožžo mannan ija dieđu ahte gaskal Kárášjoga ja Gáregasnjárgga lea biilalihkohisvuohta leamaš.
Biilavuoddji, badjelaš 30-jahkásaš dievdu, lei guođđán báikki go heahtebálvalusat ollejedje dohko. Ohcan álggahuvvui ja moadde diimmu maŋŋel gávdnui almmái iežas ruovttu lahka.
Heahtebálvalus válddii albmá mielde doaktára lusa ja doppe son sáddejuvvui viidásit Hámmárfeastta buohccevissui. Politiijat muitalit ahte almmái ii leat duođalaččat roasmmohuvvan.
Almmái várohuvvo vuodján biillain gárrenoaivvis, ja albmás leat váldán varraiskosa. Politiijat álggahit ášši.
