OĐASTUVVON: Biilavuoddji galgá leat fáhkka buohccán ja nu gárttai biilla badjel-geainnu.
Guovdageainnu márkanis lei biilalihkohisvuohta birrasiid diibmu 16.00 odne. Okta biila man siste ledje njealjis, vujii badjel-geainnu.
Njealjis ledje biillas
– Biilavuoddji galgá leat fáhkka buohccán, nu gárttai biila badjel-geainnu. Buot njealjis leat dolvojuvvon doaktára lusa iskkadeapmái, muhto ii mihkkege oro čájeheamen ahte oktage sis lea roasmmehuvvan lihkohisvuođas, dadjá Andreas Vesterhus Oarje-Finnmárkku operašunguovddážis.
Báikkis fitne sihke politiijat, buollinčaskadeaddjit ja ambulánssat.