16 bohcco vuojáhalle jámas, 3 šadde heakkahuhttit go ledje roasmmohuvvan. Doppe sáhttet vel eambbo roasmmohuvvan, go biilavuoddji lei oaidnán eambbo bohccuid mat skirbmo.
16 bohcco vuojáhalle jámas, 3 šadde heakkahuhttit go ledje roasmmohuvvan. Doppe sáhttet vel eambbo roasmmohuvvan, go biilavuoddji lei oaidnán eambbo bohccuid mat skirbmo.
Ikte eahkes, birrasiid 23.00-áigge, ožžo politiijat dieđu ovtta biilavuoddjis ahte lea vuoddján bohccuid njeaiga Bigážis, Álttás birrasiid 3,5 miilla nuorttasdavás Hammerfeasta guvlui.
– Biilavuoddji muitalii iežas vuoddján čorraga sisa, ja ii diehtán man olu bohccot ledje jápmán dahje roasmmohuvvan, muitala Finnmárkku politiijaguovllu operašuvdnajođiheaddji Asgeir Aule TV2ii.
Eambbo go 19
Go politiijat bohte báikái, de čájehuvvui 19 bohcco ledje vuojáhallon jámas dahje šadde heakkahuhttot.
Biilavuoddji lei oaidnán eambbo bohccuid mat skirbmo, nu ahte sáhttá leat eambbo bohccuid šaddet boazoeaiggádat heakkahuhttet.
Vahát
Bohccot mat vuojáhallo ledje Válgenjárgga siidda bohccot. Johan Ivvar Gaup lea okta eaiggádin, ja sutnje ja su siidaguimmiide lea diehttelasat stuora vahát.
Son bargá bohccuiguin birra jagi, ja dovdá bajil muhtun dain bohccuin mat vuojáhallo, sutnje lea stuora vahát mii lea dáhpáhuvvan.
– Diehttelasat lea maid ekonomalaš táhpa munnje, muitala son TV2:ii.
– Iđđes ferten vuoddját ohcat gávdnojit go roasmmohuvvan bohccot mat leat ruohtastan báikkis eret, lohká son.
Njuolggo luodda
Lihkohisvuohta dáhpáhuvvái njuolga vulobeale Bigáža, jalggas E6:s luottas. Biila lea cuovkanan olu, muhto vuoddjis ii leat mihkke sivaid, eambbo lei suorganan.
Dutket ášši
Leat Boazopolitiijat guđet galget dutkat ášši. Boazopolitiijahoavda dadja Altaposten áviisii ahte sii balahit lea leamaš leahttu billas mii vujii čorraga sisa.
Visot govaid govven: Hans Idar Haldorsen
