Nuorra lunta sáddejuvvon buhcciidvissui go beaškkehii biillain oktii.
Nuorra lunta sáddejuvvon buhcciidvissui go beaškkehii biillain oktii.
Odne iđđes, vihtta váile gávccis, beaškkeheigga biila ja mohtorsihkkel oktii Girkonjárggas, Nuorta-Finnmárkkus. Dan dieđihit politiijat Twittera bokte.
Lunta mohtorsihkkeliin
Nuorta-Finnmárkku operašuvdnaguovddážis muitalit ahte lei lunta gii vujii mohtorsihkkeliin, gehppes mohtorsihkkeliin, gii sáddejuvvui buhcciidbiillain buhcciidvissui.
– Eat dieđe vuos lea go lunta roasmmohuvvan, eambbo ahte fertii buhcciidvissui sáddejuvvot dárkkisteapmái, muitala opreášuvdnajođiheaddji Eirik Pedersen Ávvirii.
– Eat mii dieđe dan ge movt lea dáhpáhuvvan, muhto mii leat dutkame ášši dábálaččat, muitala son vel.
