-Almmuhus-
-Almmuhus-
-Almmuhus-
OĐĐASATBiila gávdnui jogas

Biila gávdnui jogas

-

-

Ovcci áiggi bearjadatiđida vulge Álttá politiijat ja buollinčáskadeaddjit iskat biilla mii gávdnui jogas  Joganjálmmis, Álttás. 

Sihke politiijat ja buollinčáskadeaddjit ledje báikkis gos biila gávdnui jogas diibmu 09:00. Politiijat ožžo dieđu biilla birra, ja dan váste vulge iskat biilla. 

Politiijat ja buollinčáskadeaddjit vudje báikái alitčuovggaiguin ja sirenain. 

Politiija operašuvdnajođiheaddji Lars Rune Hagen ii loga sin diehtit man guhká ja goas biila lea šaddan johkii. 

– Mii eat dieđe goas biila lea šaddan johkii ja man guhká lea leamaš das, muitala operašuvdnajođiheaddji Lars Rune Hagen. 

Hagen muitala maid ahte biillas ledje cuovkanan biilaláset. 

– Go mii olliimet báikái, de eat gávdnan olbmuid biilla siste, eatge vuohttán luottaid ge, muitala Hagen ja lasiha: 

– Dál mii áigut geahččalit oažžut biilaeaiggáda ságaide, gullan dihte diehtá go maide biilla ja dáhpáhusa birra. 

-Almmuhus-