Dán rádjái lea 668 tonna unnit ruksesbiergojohtu diimmáža ektui – seamma áiggi.
Ođđajagimánus geassemánnui lea njiedjan 4,1 proseantta, čállá Dagsavisen.
– Biergojohtu Norggas lea lassánan čađa gaskka 1900-logu rájes, ja earenoamážiid maŋŋel 80-logus otnážii. Dat mii lea earenoamáš lea ahte ruksesbierggu geavahus lea bisánan, ja njiedjagoahtán maŋemus jagi, lohká SIFO-dutki Annechen Bahr Bugge.
Loguid leat ožžon gálvojođu vuovdima vuođul mat gusket Norgesgruppen, Coop, Rema 1000 ja Bunnpris, ja dieđut leat vižžon guorahallanfitnodagas Nielsen:is.
Bugge deattuha ahte njiedjan guoská dušše ruksesbirgui, ja ahte biergojohtu muđuid lea lassánan maŋemus viđa jagis. Son jurddaša ahte geavaheddjiin sáhttá leat buoret dihtomielalašvuohta dan ektui.
(©NTB)
