Finnmárkkubuohcciviesu diehtojuohkki dieđiha ahte riegádahttinfálaldat Álttás ii galgga unniduvvot, nu go Altaposten čállá.
Finnmárkkubuohcciviesu diehtojuohkki dieđiha ahte riegádahttinfálaldat Álttás ii galgga unniduvvot, nu go Altaposten čállá.
Geassemánu 20. beaivvi čálii Altaposten ahte riegádahttinfálaldat Álttás unniduvvo.
Dál dieđiha Finnmárkku buohcciviesu diehtojuohkki, Ivar Greiner, ahte dat dieđut leat boastut, ja sii huksejit 2016 mearrádusa vuođul, mas mearriduvvui ahte Álttás galget leat guokte riegádahttinlanja ja guokte lanja gos vuoiŋŋasta maŋŋel riegádahttima.
Somáhtalaš seaŋgalatnja galgá leat lagamusas riegádahttinlanjaid, ja dárbbu mielde geavahuvvot vuoiŋŋastanlatnjan nissoniidda geat leat riegádahttán.
Biehttalit unnideami
Finnmárkku buohcciviesu stivra ja Helse Nord RHF stivra dohkkehedje ovdaprošeaktaraportta 2016:s, ja Álttá suohkan maid dohkkehii ášši seammás.
– Mii čuovvolit mearrádusaid, ja riegádahttinfálaldat ii unniduvvo, muitala Finnmárkku buohcciviesu hálddahusdirektevra Eva Håheim Pedersen.
Čakčat álget lagasbuohcciviesu huksemat Álttás.
