-Almmuhus-
OĐĐASAT Bieggafámus ođđa olahus

Bieggafámus ođđa olahus

-

-

Diibmá lassánii bieggamilloid buvttadeapmi 36 proseanttain ovddit jagi ektui. Buvttadeapmi lea 3,9 TWh, mii lea ođđa olahus. Dattetge lea čáhcefápmu stuorimus oassin elrávdnjebuvttadeamis.

2018:s lassánii buvttadeapmi ovttain terrawattdiimmuin, čájehit jahkásaš elrávdnjestatistihka ođđaseamos logut. Dat alla buvttadeapmi ferte buohtastahttot dan ektui go 2018:s rahppojedje máŋga ođđa bieggamillorusttega.

Vaikko bieggafápmu lassána ollu, de lea čáhcefápmu váldooassin Norgga fápmobuvttadeamis. Čáhcefápmu lei 95 proseantta ollislaš fápmobuvttadeamis mii lea 147,1 TWh 2018:s. Liekkas- ja bieggafápmu lei 2,4 ja 2,6 proseantta. 2017 ektui lassánii bieggafápmu 0,7 proseantačuoggáin.

Hordalánda lei fylka gos eanemusat buvttadedje elektrisitehta, ja lei 14 proseantta Norgga ollislaš buvttadeamis. Eará fylkkain lei Nordlánddas 12,4 proseantta buvttadeapmi ja Sogn ja Fjordanes 11,3 proseanttain, čállá Statistihkalaš guovddášdoaimmahat sin neahttasiiddus.

- Advertisement -
-Almmuhus-