-Almmuhus-
OĐĐASATBiebmu hálbon beassážiid rájes

Biebmu hálbon beassážiid rájes

-

-

Njukčamánus cuoŋománnui hálbbui biebmu 2,1 proseanttain, čájehit Statistihkalaš Guovddášdoaimmahaga logut.

– Biebmohattit njidjet, ja dál lea nubbi mánnu go dan dahket, lohká Ingvill Størkesen preassadieđáhusas. Son lea Virke Dagligvare direktevra.

– Beassážiid gilvalit rámbuvrrat oažžut beassáškundariid sin rámbuvrii, ja de lea lunddolaš ahte biebmu hálbu. Seammás oaidnit ahte eambbosat háliidit dearvvašlaš gálvvuid, lohká son.

 

Šukuláda ja šattut hálbon

Mannan mánu haddenjiedjan lea go šattut leat hálbon, ja vel šukuláda. Dan dieđiha Statistihkalaš Guovddášdoaimmahat.

– Dan golmma stuorámus rámbuvrra haddegilvu lea buktán haddenjiedjama, ja dat lea bistán eahpedábálaš guhká. Dán jagi beassážiid lea dat stuora fokusa dearvvašlaš gálvvuide dagahan ahte eatnasat leat beassážiid herskostallan šattuiguin, lohká son.

-Almmuhus-