Biebmohattit njidje 0,8 proseanttain njukčamánus cuoŋománnui, čájehit SSB logut. Lea nubbi mánnu go vuot njidjet biebmohattit, ja lei oassin unnideame dan stuora ollislaš haddelassáneami.
– Ii leat dábálaš ahte biebmogálvohattit njidjet beassášmánu ja mánu dan ovdal, lohká Virke dagligvare direktevra Ingvill Størksen.
Biepmo- ja jugushattit njidjet dábálaččat áigodagain nu go ovdamearkka dihte juovllaid, beassážiid ja skuvlaálgináigodaga, ja njuolgá fas eará mánuid.
– Biebmogálvogávppit gilvalit garrasit kundariid alde geat áigot gávppašit beassážiidda. Haddeovdáneapmi čájeha ahte dat boahtá kundariidda ávkin, joatká Størksen.
Maŋemus 12 mánu lea konsumhaddeindeaksa lassánan 2,9 proseanttain.
Biebmohattit ja alkoholakeahtes juhkosiin lassánii haddi 1,9 proseanttain seamma áigodagas.
– Dat čájeha ahte dat garra gilvu dán suorggis lea veahkkin doalaheame hattiid vuollin birra jagi, ii ge dušše basiid áigge, lohká Størksen loahpas.
