Eiseválddit dollet preassakonferánssa gos almmuhedje ođđa doaibmabijuid.
Ráđđehus lea bidjan johtui doaibmabijuid, dieđihedje preassakonferánssas. Erna Solberg dieđihii ahte sii sávvet ahte nagodit bissehit virusa leavvama.
– Leat dat garramus doaibmabijut Norggas soađiáigge rájes. Dat čuohcá min persovnnalaš friddjavuhtii, muhto mii fertet geahččalit bissehit leavvama, dajai Solberg.
Doaibmabijut doaibmagohtet 18:00 rájes odne gitta njukčamánu 26. beaivvi rádjái.
Skuvllat, mánáidgárddit ja eará oahpahusásahusat giddejuvvojot.
15 dehálaš servodatdoibmii ii guoskka dat: Skuvllat ja mánáidgárddit galget fállat mánáidgárdefálaldaga mánáide geaid váhnemat barget daiguin.
Kultur- ja válaštallanfálaldagat, lášmmohallanguovddážat giddejuvvojit. Maiddái doaimmat nu go vuoktačuohppit, liikedikšun ja tatoveren ii leat lohpi. Vuojadanhállat giddejuvvojit.
Johtolatsektor doaibmá nu go dábálaččat. Almmolaš johtolagas galget váruhit ahte lea gaska earáide. Ávžžuhit olbmuid astoáigemátkkiid garvit.
Biebmorámbuvrrat dollet rabas nu go dábáláččat. Ávžžuhit ahte olbmot eai oastte badjelmeare, go dasa ii leat dárbu.
Boradanbáikkit, olgobáikkit ja guossohanbáikkit eai oaččo doallat rabas.
Ii leat lohpi mannat guossái dearvvašvuođaásahusaide.
– Sihkkárastit ahte mis leat dearvvašvuođabargit ahte ii leat lohpi mannat olggos riikkas jus bargá dearvvašvuođasuorggis. Jus bargá pasieanttaiguin, de ii oaččo lobi olggos riikkas mátkkoštit, dieđihii dearvvašvuođaministtar Bent Høie.
