-Almmuhus-
-Almmuhus-
-Almmuhus-
OĐĐASATBidjet eambbo návccaid Finnmárkku suodjalussii dál

Bidjet eambbo návccaid Finnmárkku suodjalussii dál

-

-

Rádjesuodjalusveahka Finnmárkkus galgá nannejuvvot boahtte jagi stádabušeahtas.

Ođđa suodjaluskompaniija galget ásahit Mátta-Várjjaga Garnisonii boahtte jagi rájes, boahtá ovdan evttohuvvon suodjalusbušeahtas.

– Go ásahit ođđa kompaniija Finnmárkkus, de ráhkadit buoret dili davvin. Operatiivvalaš doaibma ja gearggusvuohta lassána go nannet suodjalusa, muitala suodjalusministtar Ine Eriksen Søreide (Olgešbellodat).

Politihkalaš ovdáneapmi sihkkarvuođa ektui dagaha ahte lea dárbu eambbo návccaid bidjat Finnmárkkus, oaivvilda son.

 

Njealji jagis galgá buot leat sajis

2017 bušeahttii evttohuvvo 32 milliuvnna ruvnno ásaheapmái. Jagi 2020:s galgá olles kompaniija leat sajis. Kompaniijas galgá leat áibmosuodjalus maid sáhttá sirddášit, pansersuodjalanvearju ja vejolašvuohta stivret báhčaleami girdis, čuožžu evttohusas.

Ráđđehus áigu maid lasihit doarjaga Panserbataljuvdnii Davvi Brigades nu ahte sáhttet hárjehallat seammá ollu go Telemárkku bataljuvdna. Goappašat bataljuvnnat galget oažžut ođđaáigásaš soahtanvuojániid.

 

Freagáhtain ja čázevuolefatnasiin galgá leat seamma alla doaibma boahtte jagi go dán jagi lea leamašan. Norga galgá jođihit NATO maritiima suodjalusa, ja freagáhtat šaddet borjjastit eambbo go ovdal, ja Davvi-Norga galgá vuoruhuvvot. (©NTB)

-Almmuhus-