-Almmuhus-
-Almmuhus-
OĐĐASAT Besset oastit dáidaga 4 miljovnna ruvnnu ovddas

Besset oastit dáidaga 4 miljovnna ruvnnu ovddas

-

-

Davvi-Norgga dáiddamusea oažžu lassi ruhtadoarjaga Kulturdepartemeanttas doarjun dihte dáiddáriid ja hábmejeddjiid geat leat massán dietnasa pandemiija geažil. 

Kulturdepartemeanta mearridii maŋŋebárgga doarjut Davvi-Norgga dáiddamusea 2 miljovnnain ruvnnuin, ja dat mearkkaša ahte leat ožžon oktiibuot 4 miljovnna ruvnnu dan rájes go koronavirus leavvagođii.

Pandemiijas leamaš stuora váikkuhusat kultursuorgái ja ruđat galget ge geavahuvvot oastit giehtadáidaga, dálááigge dáidaga ja designa. 

– Lea hirbmat dehálaš ahte Kulturdepartemeanta aon doraju dáiddáriid ja earáid seamma suorggis go dilli leamaš hirbmat hástaleaddjin. Ruhtadoarjagiin bisuhit aktivitehta ja dat lea mávssolaš dál go dáidda vuhtto erenomáš dehálažžan olbmuide. Áigi mas dál eallit vuorjá, muhto seammás lea doaivva boahtteáigái, čállá Davvi-Norgga dáiddamusea preassadieđáhusas. 

Davvi-Norgga dáiddamusea, Romssas, lea ásahan sisaoastinkomitea mii lea bargagoahtán viiddidit musea vuorkká. Vuorkkás leat oktiibuot 2175 nationála, guovllu ja sámi dáidaga.   

-Almmuhus-