-Almmuhus-
OĐĐASATBesset nuvttá rávdnjet ipmil­bálvalusaid

Besset nuvttá rávdnjet ipmil­bálvalusaid

-

-

Dál beassá nuvttá rávdnjet ipmilbálvalusaid. Ovdal lea máksán 800 ruvnnu álo go girku lea rávdnjen ipmilbálvalusaid. 

Geassemánu 1. beaivvi rádjái besset Norgga girkut rávdnjet ipmilbálvalusaid nuvttá. Lea Tono mii lea geahpedan rávdnjennjuolggadusaid koronagáržžidusaid dihte. 

Norgga girkuid mielas šattai beare divrrasin rávdnjet ipmilbálvalusaid ja vurket daid nehttii vai olbmot besset maŋŋelge geahččat ipmilbálvalusaid. Girkut leat šaddan 800 ruvnnu máksit Tonoi álo go leat rávdnjen. Tono oaivvilda dan govttolaš haddin, muhto geassái suvvet dattetge rávdnjet nuvttá. Nu čállá aviisa Vårt Land.

Maiddái diimmá njukčamánus, go koronagáržžidusat mearriduvvojedje, suvve nuvttá rávdnjet go olbmot eai beassan fysalaččat girkui. 

Tono dattetge dáhttu searvegottiid ain raporteret musihkkabihtáid maid čuojahit, vai Tono beassá komponisttaide juohkit stáhtabuhtadusaid. 

(©NTB)

-Almmuhus-