Cuoŋománu vuosttaš beaivvi rájes leat Plassje ja dan Circumferensen UNESCO máilmmi luonddu- ja kulturárbelisttus.
Trøndelága stáhtahálddašeaddji lea ožžon dieđu Eanadoallodirektoráhtas ahte válljejuvvon kultureatnamiid doarju njuolggadusat rievdaduvvojit. Dat mielddisbuktá ahte Plassje ja dan Circumferensen váldo mielde Eanadoalu máilmmiárvoortnegii cuoŋománu vuosttaš beaivvi.
Eanadoallo- ja biebmodepartemeanta mearridii njukčamánu 16. beaivvi rievdademiid njuolggadussii mii guoská doarjaga válljejuvvon eanadoalu ja máilmmeárbeguovlluid kultureatnamat, dieđiha Trøndelága sthtahálddašeaddji preassadieđáhusas.
Máilmmeárbi Plassje ja Circumferensa lea UNESCO máilmmi luonddu- ja kulturárbelisttus. Lea guovlu man UNESCO lea ráddjen mii dál lea heivehuvvon eanadoalu máilmmrárbái. Dat mielddisbuktá ahte lagas biras Plassje ja Circumferenssa ii leat mielde doarjjaortnegis. Ledje eanadoallosoahpamuša bealit jagi 2022 geat sohpe heivehit máilmmeárbeguovllu Plassje ja Circumferensa ortnegii mii oažžu doaibmadoarjaga Eanadoalu máilmmeárbeortnegis.
Juolludeapmi lasihuvvui 2,0 miljovnna kruvnnain Eanadoalu máilmmiárbeortnegii 2023 rájes. Rosse gielda lea doarjjaortnetovddasvástideaddji ovttasráđiid Trøndelága stáhtahálddašeaddjiin, Innlandet stáhtahálddašeaddjiin ja guovllu luonddu- ja kultureiseválddiiguin, gielddaide maidda čuohcá ja guovllu berošteaddjiiguin.
