-Almmuhus-
SMÁVVAOĐĐASATBesset lágidit máilmmimeasttir­gilvvuid

Besset lágidit máilmmimeasttir­gilvvuid

Journalista

-

-

Árabut dán vahkku mearriduvvui ahte alpint máilmmimeasttirgilvvut lágiduvvojit Norggas 2029:s. 

Vuosttaš geardde galget alpint máilmmimeasttirgilvvut lágiduvvot Davvi-Norggas. 

Čierastallangilvvut lágiduvvojit Áhkanjárggas 2029:s ja dat mearriduvvui árabut dán vahkku. 

Internationála sabetsearvi (FIS) válljii stivračoahkkimis disdaga Áhkanjárgga lágideaddjin. Ledje golbma ohcamuša beavddi alde ja dat guokte eará ledje Soldeu Andorras ja  Val Gardena Itálias. 

Áhkanjárga lei maid ohcan beassat lágidit gilvvuid 2027:s, muhto dalle eai ožžon lágideami. 2027 Alpint máilmmimeasttirgilvvut lágiduvvojit baicca Crans Montanas. 

– Illubeaivi Norgii ja Norgga sabetfalástallamii ahte alpint-máilmmimeasttirgilvvut galget lágiduvvot Áhkanjárggas. Hui ollu lihkku Áhkanjárgii, Davvi-Norgii ja muđui ge Norgii. Mun illudan, dajai Norgga stádaministtar Jonas Gahr Støre NTB:i maŋŋel go Áhkanjárga oaččui lágideami. 

(©NTB)

-Almmuhus-