Sandra Andersen Eira, Porsáŋggus eret ovddasta Norgga Sámiid Riikajoavkku Ávjovári válgabires. Son šattai dovddusin miehtá Norgga go almmuhii ahte son bargá skiipahoavdan ja iige alo dovdan leat nu álkin leat nissonolmmožin dán suorggis.
Váibmoáššit
Guolástanpolitihkka lea dieđusge okta su váibmoášši. Su mielas leat olu hástalusat guolástanpolitihkas maid fertešii čoavdit vai dát virgi bisttášii boahtteáiggis maid.
Son maiddái berošta mearrasápmelaččaid kultuvrras, ja háliida boktit dán kultuvrra fas.
Sandra maiddái háliida rievdadit dan maid ieš gohčoda jaskesvuođakultuvran, ja bargat dainna ahte servodat šaddá eambbo rabas. Son jáhkká ahte olu váttisvuođat olles Sámis livčče čovdojuvvon álkibut rabasvuođain.
Mediaovttasbargu
NRK Sápmi ja Ávvir leat ásahan doaimmahuslaš ovttasbarggu gos earret eará nuorra journalisttat jearahit nuorra politihkkárkandidáhtaid.
Mii leat humadan kandidáhtaiguin geat čavčča rájes sáhttet leat mielde váikkuheamen sámepolitihka.
