Skáiddis lea áidna bensiidnastašuvdna mii vuovdá vuollagiid Norggas. Dál háliidit maiddái eará guovllu bensiidnastašuvnnat vuovdigoahtit vuollagiid.
Skáiddis lea áidna bensiidnastašuvdna mii vuovdá vuollagiid Norggas. Dál háliidit maiddái eará guovllu bensiidnastašuvnnat vuovdigoahtit vuollagiid.
Skáiddi bensiidnastašuvnna eaiggát Svein Arne Hansen lea ožžon lobi vuovdit vuollagiid danin go lea nagodan duođaštit ahte jođiha eanet borramuša ja dállodoalugálvvuid go bensiinna.
Dál háliidit maiddái eará bensiidnastašuvnnain Norggas vuovdigoahtit vuollagiid, čállá Dagens Næringsliv.
– Mii maid sáhttit vuovdit vuollaga seamma vásttolaččat go earát, nu dahkat olu eará riikkain, dadjá Circle K bensiidnastašuvnnaid gulahallandirektevra Pål Heldaas.
Monopola
Borramušbuvddain gal besset vuovdit bensiinna, muhto bensiidnastašuvnnat eai beasa vuovdit buot maid fitnen buvddas oastit.
– Duohtavuođas ásahuvvui ođđa monopola go buvddat válde badjelasaset vuolavuovdima gielddaid vuollamonopolain, dadjá Virke kioskkaid, bensinstašuvnnaid ja bálvalusaid direktevra Torstein Schroeder.
Eai beasa lagasgávpin
Fidnosuorgeorganisašuvdna bargá nannet kioskkaid ja bensiidnastašuvnnaid rámmaeavttuid, dán barggus lea dál dehálaš rievdadit alkoholaláhkanjuolggadusa vai bensiidnastašuvnnain maid besset vuovdigoahtit vuollagiid.
Organisašuvdna oaivvilda ahte bensiidnastašuvnnat eai beasa doaibmat lagasgávpin danin go eai beasa vuovdit alkohola.
– Go eat beasa gávppašeaddjái buot fállat nu go min gilvaleaddjit, de leat vuoittahallan, lohká Schroeder.
