– Bellodagaid válgagižžoávdnasat leat dušše ruskkat

– In leat gosse jurddašan ahte oktage jienasteaddji vállje bellodaga dáid diŋggaid dihte.

Hálidiat go Guovddášbellodaga kondomaid? Vai Olgešbellodaga beaivvášvuoidasa? Dahje ge Gurutbellodaga muffins-báhpiriid? Áššedovdit oaivvildit dán jagáš válgagižžoávdnasiid ruskadiŋgan. 

– In leat goassege jurddašan ahte oktage jienasteaddji vállje bellodaga dáid diŋggaid dihte, dadjá  Kristiania allaskuvlla máinnusdiehtti Trond Blindheim NTB:i. 

Vahkkuid dás ovddas guvlui deavdigohtet báikkálaš politihkkárat márkanbáikkiid. Sis leat álo mielde nuvttá diŋggat maid juhket olbmuide. 

– Muhtin bellodagat geavahit ollu ruđaid diŋggaide mat galget muittuhit olbmuid ahte sii leat maid bellodat. Lea go riekta ruđa geavahit diŋggaide mat leat dušše ruskkat? jearrá Handelshøyskolen BI kommunikašuvnna ja kulturinstituhta professora Peggy Brønn.

Son lea ovttaoaivilis Blindheimain.

– Sieman seamma váralaš go CO2?

Professor Peggy Brønn dadjá ná bellodagaid diŋggaid birra: 

– Manne lea Olgešbellodat ráhkadan Piké T-báiddiid? Lea veahá dego alitrussa mu mielas. Lea veaha elihtalaš, muhto ii leat mihkke oaiviliid dainna. De Grønne geavaha kondomaid, maid sii dainna áigot muitalit, ahte sieman lea liikká váralaš go CO2-nuoskkideapmi? jearrá Brønn. 

Dás oainnát makkár biergasat dain iešguđet bellodagain leat:

Gurutbellodat 

• Muffins-báhpirat main lea Gurutbellodaga logo
• Gilvvabusset mat leat buorit uvlui ja mieđažiidda: «Biene ville stemt Venstre».
• Ruonas neahtta
• Arvejáhkka
• Pennat, gávppašanbusse, buttons.

Guovddašbellodat: 

• Kondomat Guovddášbellodaga nuorain
• Beaivesuddjenláset
• Sáibobuoja
• Powerbank, speallankoarttat, Buttons, arvejáhkka. 

Olgešbellodat

• Piquet T-báidi
• Sáibobuoja
• Beaivvašsuddjenvuoiddas «Unngå å bli RØD i sommer – Stem Høyre»
• Njálgát, gávppašanbusse, arvejáhkat

Ruoksat

• Bábergohput
• «Fordi fellesskap fungerer» gávppašanbusse
• Liibmamearkat, T-báidi, buttons ja pinssat
• T-báidi mas lea bellodaga namma, ođđa dárogillii, darogillii ja sámegillii

Miljøpartiet De Grønne

• «Null utslipp»-kondomat
• Čáhcebohtal
• «Grønn» T-báidi
• Gilvvapose mas leat čábbát čállon mieđažiid birra
• Gávppašan busse

Bargiidbellodat 

• Bohtal mas čuožžu: «Pust. Stup. Nyt. Med Raymond ved roret blir Oslo-lufta renere og byen grønnere.»
• T-báidi, arvejáhkka
• Njálgát, gaibagahpir

Ovddadusbellodat

• Čáhcebohtal
• Čoavddagihppu ja pennat.
• T-báidi
• Bábertalearkkat ja gohput

KrF

• Váibmobaloŋŋa
• Lihko ja juoge -šukkoláda
• Bábergohput

(©NTB)