12 nissonfilbmadahkki lea válljejuvvon mielde Norsk Filminstitutt ja Talent Norga ođđa ovdánahttinprográmmii maid leat gohčodan UP.
Sámi filbmadahkki Marja Bål Nango Davvi-Tromssas lea okta sis gii lea beassan mielde.
Oktiibuot ledje 123 ohcci, muhto dušše 12:s besse mielde. UP prográmma vuoruha nissoniid filbma- ja Tv-buvttadeami.
– Nissoniid historjá ja gelbbolašvuohta lea áibbas dárbbašlaš, vai filmmat mat buvttaduvvojit Norggas galget olahit ja leat áigeguovdilat olles álbmogii, čállá Norsk filminstitutt.
