Čáhcecrossa Eurohpámeašttir ja Deatnolaš Morten Blien oaččui otne sierralobi Kárášjoga gielddas geahččalit bidjat máilmmiolahusa, dainna eavttuin ahte lea Kárášjoga gákti badjelis vuojedettiin.
Čáhcecrossa Eurohpámeašttir ja Deatnolaš Morten Blien oaččui otne sierralobi Kárášjoga gielddas geahččalit bidjat máilmmiolahusa, dainna eavttuin ahte lea Kárášjoga gákti badjelis vuojedettiin.
*/
Morten Blien ieš lohká dat lea illusáhka, ja dat lei meidnet ahte son galggai oažžut lobi.
– Lea buorre go buohkat eai leat nu váddása duohken, ja dan ahte Kárášjoga gávttiin vuodjit lea dušše suohtas. Mus ii leat alddis gákti, muhto dovddan máŋgasa geas sáhtán oažžut luoikkas, lohká son.
Čalmmustahttet sámi
Sierralobi lávdegotti jođiheaddji Evald Nordsletta muitala sii leat bidjan ovtta eavttu, ja dat lea ahte mii gáibidit Blienis galgá leahkit Kárášjoga gákti badjelis vuojidettiin.
– Bliena galget NRK ja Tv2 čuovvut, ja mii dáhttut čalmmustahttit ahte dá lea sámi guovlu, ja dat lea Kárášjohka, lohká Nordsletta.
Eai ákkat gieldit
Sierralobilávdegoddi lea addán Blienii seamma paragráfa vuođul go maid Kárášjoga Mohtorsearvi oaččui hárjehallat Dievaljávrris.
– Mii eat sáhttán de gieldit, ja go vuoddjin lea easka čakčamánus go guollebivddut leat nohkan, de ii leat dat ge ágga. Nuoskideami dáfus, jus buohtastahttá propeallamohtorfatnasiid ja skohteriid, de lea dat sullii seamma, iige doala dat ákkastallan.
Nordsletta gal vuordit vuostehágu bohtit sierralobi addimii, muhto leat gergosat váldet vuostái daid.
– Blien áigu dušše guovllu geavahit, ja mii oaidnet dán vejolašvuohtan doarjut maiddái mohtorfaláštallama, iige dušše sajáiduvvon faláštallamiid, lohká son.
Morten Blien lei rievtti mielde jurddašan vuodjit Kárášjogas Detnui, muhto mannan vahkos hilggui Deanu gielda su vuodjenlobiohcamuša.
