Čohkkirasa nisu Cariola Rosdotter Eriksson juoiggai povii ráfisávaldaga katolalaš meassuin Malmö Arenas gosa ledje čoagganan 19 000 olbmo.
– Manai hirbmat bures ja dovden dat lei hirbmat fámolaš. Mun geahččalin duođaid addit povii ráficealkámuša juoigama bokte, lohká Cariola Rosdotter Eriksson svt.se.
Álggos son álggahii meassuid luđiin, muhto stuorámus dilálašvuohta bođii go son beasai loahpahit meassuid ja maiddái juoigat povii. Seammás besse olbmot lohkat dajahusa teavstta eŋgelasgillii stuorra govvašearpmas.
– Ii dábálaš musihkkaguoimmuheapmi
– Ii šaddan gal dábálaš musihkkaguoimmuheapmi, muhto lei eambbo meannu dahje seremoniija go mu maŋábealde vázze čuovgaguoddit dan botta go juigen ja vázzen poava guvlui, lohká Cariola Rosdotter Eriksson svt.se.
