Dearvvašvuođabearráigeahčču cuiggoda mánáidsuodjalusa vuorjašumi dieđiheami gieđahallama. Mánát eai oaččo dan veahki masa sis lea riekti, konkluderejit sii.
Dearvvašvuođabearráigeahčču cuiggoda mánáidsuodjalusa vuorjašumi dieđiheami gieđahallama. Mánát eai oaččo dan veahki masa sis lea riekti, konkluderejit sii.
Oktiibuot leat 225 suohkana ja gávpotoasit geahčadan vuorjašumi dieđuid, ja Dearvvašvuođageahčču lea gávnnahan ahte mánát, geat livčče galgan oažžut veahki, eai leat ožžon veahki.
– Mii leat bearráigeahččama bokte oaidnán ahte dieđut mánáidsuodjalussii mánáid birra geat vásihit heajos fuolaheami ruovttuin, leat heaittihuvvon. Mánát, geat livčče dárbbašan veahki, eai leat ožžon veahki. Vuorjašupmi coggaluvvui skuffii, čuožžu cealkámušas man Dearvvašvuođageahčču lea addán.
– Eai nagot doarjut ja veahki addit
– Dán bearráigeahčus leat oaidnán beare ollu suohkaniid mat eai nagot doarjut ja veahki addit rievttes áigái, rievttes gelbbolašvuođain, mii hehtte mánáid eallimis roavva fuolahusváillis, muitala Dearvvašvuođageahču direktevra Jo Kittelsen NRK:i.
Dearvvašvuođageahčču lea guorahallan Fylkkamánni geahččorapporttaid 57 mánáidsuodjalusbálvalusas, lassin árvvoštallamiid maid ieža leat čađahan 114 mánáidsuodjalusbálvalusas.
49 dain 57 mánáidsuodjalusbálvalusas, maid fylkkamánnit iske, gávdne láhkarihkkuma dahje buoridanmuniid.
97 dain 114 mánáidsuodjalusbálvalusas gos bargit árvvoštalle iežaset barggu, de konkluderejedje ieža geahnohisvuođaid. (©NTB)
