Neahttagávppit leat ráhkkaneame giđa buoremus gávpebeaivái, mii lea bearjadaga. Dan gohčodit ruoná bearjadahkan.
Neahttagávppit leat ráhkkaneame giđa buoremus gávpebeaivái, mii lea bearjadaga. Dan gohčodit ruoná bearjadahkan.
Ruoná bearjadaga fállet neahttagávppit gálvvuid main vuolidit hattiid juste dan beaivvi. Haddečeahpit jáhkket ruoná bearjadaga šaddat ollu hálbbibun go diibmá lei.
Black Friday (čáhppes bearjadat) lea stuorimus gávppašanbeaivi olles jagis. Diibmá lei gaskamearálaččat haddi 25 proseantta vuoliduvvon gálvvuin.
Ruoná bearjadat stuorru
2016:s ásahuvvui Green Friday (Ruoná bearjadat), ja ollu neahttagávppit álge dainna. Gávppit dieđihit ahte lei 60-70 proseantta nu ollu gálvojohtu go čáhppes bearjadaga.
– Lea ollu mii čájeha ahte Ruoná bearjadat šaddá stuorábun dán jagi. Norgalaččat orrot háliideame gávppašit dál, ja leat gergosat dakkár fálaldagaide, muitala Prisjakt.no direktevra Carolina Appelqvist.
– Ruoná bearjadagas ledje gálvvut 19 proseantta gálvvuin hálbbiduvvon, ja ledje sullii 10 000 gálvvu mat hálbo, muitala son.
Muhto lea dehálaš fuomášit ahte eai leat buot gálvvut mat hálbot. Muhtin gálvvuin gal lassána haddi, ii ge leat nu álki fuomášit go oaidná buot fálaldagaid.
Carolina Appelqvist rávve olbmuid ráhkkanit ovdal go gávppašit ja ahte gánnáha iskat hadderievdadeami ovdal.
