Čakčamánu 27. beaivvi lea goavdebeaivi. Norgga olgoáibmodoaimma searvi, Norsk friluftsliv, hástala buohkaid návddašit lagasbirrasa olgoáibmovejolašvuođaid ja boradit olgun dán beaivvi.
Miehtá Norgga gávdnojit goavddit mat leat huksejuvvon lagasbirrasis. Daid leat iešguđetlágan searvvit, skuvllat, suohkanat ja eaktodáhtolaččat huksen. Ollu goavddit leat huksejuvvon lagasbirrasis ja leat olámuttos buohkaide.
Norgga olgoáibmodoaimma searvi ávžžuha erenoamážit mánáidgárddiid ja skuvllaid dán beaivvi váldit mánáid mielde olggos.
– Goavddis lea hui fiinnis doallat oahpahusa. Jus ii gávdno goavdi lahkosis de sáhttá ieš ráhkadit dakkára báttiiguin ja presenningain, dahje ávdnasiiguin maid gávdná meahcis. Dás lea ollu oahppat ja addá maid buori vejolašvuođa ohppiide ovttasbargat, dadjá Friluftsliv i skolen prošeaktajođiheaddji Norgga olgoáibmodoaimma searvvis Gunhild B. Størseth Norsk friluftsliv preassadieđáhusas.
