-Almmuhus-
OĐĐASAT– Beare unnán dieđuid ožžon

– Beare unnán dieđuid ožžon

-

-

Son lea eahpesihkar jienasta go girkoválggas obanassiige danne go lea ožžon nu unnán dieđuid dan birra.

Jienasteaddji Berit Anette Hætta diehtá maid áigu jienastit suohkanválgii ja fylkkadiggeválgii, ja dáhtošii girkoválgii maiddái jienastit, muhto diehtá nu unnán dan birra.

 – Lean geahččan namaid listtus, muhto mun dieđán nu unnán sin birra ja maid evttohasat oaivvildit iešguđet áššiid birra.

 

Eanet diehtit

Hætta ii leat ožžon maidege girkoválgga birra ruoktot, ja dan veaháža maid diehtá lea son medias, Ávviris, lohkan, muhto livččii áigon diehtit mihá eambbo.

 – Livččen áigon diehtit maid evttohasat oaivvildit geasa girku galgá, ja maid oaivvildit juoigama birra ja konsearttaid doallat girkus. Juoigama dáfus mu mielas ii leat dasa dárbu girkus, go dan sáhttá eará báikkiin dahkat, lohká son.

-Almmuhus-