-Almmuhus-
-Almmuhus-
VALÁŠTALLANBearalmohkit geasuhit fas olbmuid lundui lihkadit

Bearalmohkit geasuhit fas olbmuid lundui lihkadit

-

-

Dušše moadde beaivvi maŋŋel go dán jagáš Bearalmohkki álggahuvvui, de leat measta 800 viššalis vázzi leamaš vázzinmátkkis. Oktiibuot leat badjelaš 2000 mátkki čađahuvvon miehtá Finnmárkku lávvordaga rájes.

Álgu lei ollu buoret dál go diibmá. Čakčat, ovdal go bearralmohkiid loahpahedje, de ledje 3506 olbmo searvan vázzit bearalmohkiid, ja sii čađahedje 54 412 mátkki.

Lohku lea dušše mannan bajás guvlui 2016 rájes go bearalmohkkeortnet álggahuvvui.

 

Stuorát mihttu

Dán jagi lea njealját jahki go lágidit bearalmohkiid.

Mihttu lea oažžut 4000 oasseváldi searvat ja čađahit 75 000 bearalmátkki.

– Diehtit easkka golggotmánu 31. beaivvi lihkostuvvat go mii olahusain. Mii duostat dadjat ahte Bearralmohkki lea Finnmárkku deháleamos olgodaddan- ja álbmotdearvvašvuođadoaibma. Dál leat 348 alla ja vuollegis mátkki, ruossut rássut, mat leat mielde Bearalmohkiin, dieđiha Hugo Tingvoll geas lea Finnmárkku bearalmohkiid ovddasvástádus.

 

Measta buot suohkanat servet

16 suohkana ledje mielde go vuolgga lei geassemánu 1. beaivvi.

Geassemánu mielde searvá maid Davvesiida bearalmohkiide.

Seammá orru maid Davvinjárga fargga dahkame.

Dalle báhcá dušše Ákŋoluokta mii ii leat mielde mátkedoaimmas mas luondduvásáhusat, fysalaš doaimmat ja álbmotdearvvašvuohta leat guovddážis.

– Suohkaniid eaktodáhtolaš doaimma haga ii livčče vejolaš čađahit bearalmohkiid. Leat eaktodáhtolaččat geat mearridit guđe mátkkit galget leat mielde, čilge Tingvoll.

 

Mátkehoaiddárat dehálaččat

Variašuvdna – man váddásat ja man viidát leat bearalmohkit – lea maid sii čuvvot.

Leat mátkehoaiddárat geat dolvot mátkekássaid, šilttaid, guossegirjjiid ja čoavddasániid.

– Juohke bearalmohkis lea okta čoavddanummar. Dan galgá ge deavdilit min neahttasiidui mii lea perletur.no, ja dán jagi lea neahttasiidu ođđa hámis. Das lea álkit dieđihit mátkkiid, seammás go eatnasat geavahit smártatelefovnnaid dán áiggi, čilge Tingvoll.

 

Dehálaš fállat álkis ortnega

Leat birrasii 60 proseantta geat geavahit smártatelefovnnaid go dieđihit bearalmohkiid.

– Lea dehálaš ahte neahttasiidu lea buorre oaidnit, muhto lea vel deháleabbo ahte lea buorre neahttasiidu smártatelefovnnas, man lea álki vázziide geavahit, lohká Hugo Tingvoll.

-Almmuhus-