-Almmuhus-
OĐĐASATBeannot miljovnna norga­lačča murrejit ieža

Beannot miljovnna norga­lačča murrejit ieža

Journalista

-

-

Iskan, man Norstat lea dahkan Norsk Varme ovddas, čájeha ahte norgalaččat liggejit dáluideaset maiddái go lea bivval. Iskan, man Norstat dahkan Norsk Varme ovddas, čájeha ahte bealli sis geat boldet muoraid, ieža lea murren, Norggas lea 3,6 miljovnna norgalaččas muorrauvdna ja juohke viđat ligge dálu muoraiguin.

Golggotmánu nuppi beaivi čalmmustahtto muorraboaldinbeaivi čájehan dihtii man dehálaš dat lea gearggusvuođadoaibman Norggas. Iskan, man Norstat lea dahkan Norsk Varme ovddas, mii lea birasustitlaš dollasajiid ja suovvabohcciid suorggissearvi, čájeha ahte 65 proseantta álbmogis, geat leat badjel 15-jahkásaččat, lea muorraboaldinuvdna ruovttus dahje barttas. 

– Mii oaidnit ahte olbmuin miehtá Norgga leat dollasajit. Oslos lea beali álbmogis dollasadji. Norgalaččat liikojit ligget dálu muoraiguin ja njealjis viđa olbmos cahkkehit dola ainge oktii vahkus jus lea buolaš olgun, muitala Norsk Varme stivrajođiheaddji Brede Børud preassadieđáhusas. 

Son lohká 30 proseantta olbmuin lea maid dollabánnu olgun dolastallama dihtii. Olusat lea maid čeahpit ávkkástallat vuvddiid ja murrejit ieža. Birrasii 1,5 miljovnna norgalačča murrejit ieža. Bealli sis geat liggejit dáluideaset muoraiguin jus lea beassan nuvttá muoraid njeaidit gieldda dahje priváhta vuovddis.

Iskama logut čájehit ahte norgalaččat molssošedje iežaset boares uvnna, oston 1945-1998, mat eai leat nu buorit uvnnat, buoret ođđa uhcit nuoskideaddji uvnnaiguin jus suittášedje dahje jus oččošedje almmolaš doarjaga.

-Almmuhus-