Rakeahtat sáhttet balddihit beatnaga.
Rakeahttabáhčin ođđabeairuohta lea midjiide somás ávvudeapmi. Muhto movt vásihit eallit, ja erenoamážit beatnagat, main lea nu olu buoret gullu go olbmuin, dán ávvudeami?
If Skadeforsikring dieđiha preassadieđáhusas ahte beatnaga gullu lea golmmageardde buoret go olbmuin, ja ii beatnagii leat dušše lohkat ahte jienat eai leat várálaččat.
Šibitdivššár ja If Skadeforsikringa šibitdáhkádusa gálvohoavda, Kine Bjølsen Opstad cealká preassadieđáhusas ahte olbmot sáhttet hárjehit beatnagiid gullat alla jienaid.
– Sáhttá ovdamearkka dihte YouTubes gávdnat rakeahttajienaid beaivvi ovdal ođđabeairuohta, ja de soaitá beana váldit eambbo gulul go garra jienat álget gullot ođđabeairuohta. Čájet maid beatnagii ahte ieš leat oadjebas, ja jus beana ballá, de sáhttá sollet stoahkanhearvvaiguin dahje njálgáiguin, lohká Opstad preassadieđáhusas.
