-Almmuhus-
-Almmuhus-
OĐĐASAT Bealli nuorra dihtor­spelliin geavahit ruđa

Bealli nuorra dihtor­spelliin geavahit ruđa

-

-

 – Logut čájehit lea hirbmat dehálaš mánáiguin hállat ruhtageavaheami birra árrat mánnávuođas, lohká Mediabearráigeahču direktevra Mari Velsand. 

Lea dábálaš ahte mánát ja nuorat geavahit ruđaid dihtorspealuin, čájeha Mediabearráigeahču «Mánát ja mediat 2020» iskkadeapmi. Mesta guhtta logi 9-18-jahkásaččain geavahedje ruđaid go spelle ja eanemus ruđaid geavahedje gánddat. 

Medietilsynet, dahje mediabearráigeahču, ođđa iskkadeapmi «Mánát ja mediat 2020» logut čájehit ahte eanet gánddat go nieiddat geavahedje ruđaid dihtorspealuin. Gánddat, 56 proseantta, oste dávjjibut speallama oktavuođas speallandávviriid , go nieiddat (15 proseantta). 46 proseantta gánddain oste maid dávviriid spealus maid eai diehtán mii lei, nieiddat dušše vihtta proseantta.

40 proseantta gánddain ožžo maid váhnemiid oastit sidjiide speallandávviriid, nieiddat dušše 21 proseantta. 

– Mediabearráigeahču mielas lea dihtorspeallu dehálaš ja buorre doaibmá olu mánáide ja nuoraide. Muhto váhnemat berrejit diehtit ahte olu dihtorspealuid eaktu lea oastit speallandávviriid ja geavahit ruđaid. Mii háliidat ahte mánát ja váhnemat ožžot buori dieđu ja ávžžuhat ahte háleštit mo ruhtageavaheapmi doaibmá spealus, lohká Mediabearráigeahču direktevra Mari Velsand. 

Mediabearráigeahčču lea ráhkadan olu diehtofilmmaid ja rávvagiid ruhtageavaheami birra dihtorspeallamis vai váhnemat dihtet man birra lea sáhka. 

- Advertisement -
-Almmuhus-