Maŋimuš vahkku leat norgalaččat fas álgán buorrestit nubbi nuppi. Juohke nubbi dadjá iežas buorrestan muhtima gii ii oro seamma dállodoalus go son.
48 proseantta jerrojuvvon olbmuin vástidit ahte leat maŋimuš vahkku buorrestan muhtima gii ii oro seamma dállodoalus go son. Dan čájeha Norgga koronamonitor guorahallan.
Nuorra olbmot leat buorestallan vel eanet go gaskamearálaš norgalaš. 58 proseantta vuollel 30-jahkásaččain dadjet ahte leat addán ává muhtimii maŋŋel go Norga fas rabai servodaga ja heaittihii masá buot koronaeastadandoaimmaid.
– Pandemiija áiggis eai leat ná oallugat buorestallan ja mis lea ge dál áváolahus Norggas. Lea gal imaš go vel eambbosat eai daga dan go lea lohpi buorrestit nubbi nuppi, lohká Opinion seniorráđđeaddi Nora Clausen. (©NTB)
