-Almmuhus-
OĐĐASAT Bealli álbmogis lea rievdadan geasse­luopmo­plánaid

Bealli álbmogis lea rievdadan geasse­luopmo­plánaid

-

-

Lagabui bealli vástida varas oaiviliskkadeamis ahte sii leat rievdadan geasseluomu plánaid korona roasu dihtii.  – Mátkkoštanráddjemat ja rievdaduvvon ekonomalaš dilli leat váikkuhan olbmuid geasseluomu áigumušaide, lohká NAF gulahallanhoavda Camilla Ryste.

Birrasiid okta goalmmátoassi dahje 35 proseantta norgalaččain leat rievdadan iežaset geasseluopmoplánaid mátkkoštangildosa dihtii. Dasa lassin muitala 12 proseanta sii leat rievdadan luopmoplánaid ruhtadili geažil. Norges automobilforbund (NAF) dahje norgga biillalihttu lea bálkáhan oaiviliskkadanfitnodaga, Infact, čađahit dán riikkaviidosaš iskkadeami.

– Go ná olusat leat juo rievdadan iežaset plánaid, de muitala olu mo dát eahpesihkkaris dilli váikkuha jođánit iežamet áigumušaide, lohká Ryste. 

Son lohká go ná olusat dál juo lea rievdadan iežaset áigumušaid, de leat jáhkkimis eanet olbmot geat nu maid jurddašit. Ryste navdá šaddá olu biilajohtolat Norggas geassit, ainge jus bartagielddus ja eanet go vihtta olbmo gielddus loahpahuvvo.

- Advertisement -
-Almmuhus-