-Almmuhus-
OĐĐASAT Beali unnit geat gárren­oaivvis leat duššan johto­lagas

Beali unnit geat gárren­oaivvis leat duššan johto­lagas

-

-

Lihkohisvuođat main olbmot leat gárremiin leamašan leat beliin unnon 2018 rájes.

2018:s jápme 40 olbmo lihkohisvuođas go vudje gárrenoaivvis.  Dat boahtá ovdan Stáda geaidnodoaimmahaga UAG-raporta 2019  mii dál lea gárvvis. Raporta lea čiekŋudananaliisa lihkohisvuođaid birra mat leat leamašan dan jagi.

2019:s dušše 108 olbmo johtolagas – 20:s dain olbmuin ledje gárremiin.

MA – Rusfri Trafikk váldočálli Elisabeth Fjellvang Kristoffersena mielas lea buorre go logut leat njiedjan, muhto muitala ahte logut leat seamma go gaskamearálaš lohku gárrenlihkohisvuođain logi jagi áigi.

– Leat goitge beare oallugat geat duššet. Mii fertet garrasit bargat boahtteáiggis maid, vai olahit doaivvaáigumuša – ahte ii oktage dušša, dahje roasmmehuva garrasit johtolagas, lohká son.

Galggašii alkolohkka biillas

Gárrenoaivvis vuodjit lea okta váldosivain manne nu oallugat duššet johtolagas. UAG-raporta čájeha ahte logi olbmo guoktelogi olbmos geat masse heakka go vudje gárrenoaivvis 2019:s, livčče ain eallime dál jus livččii alkolohkka. 

– Vaikko mun lean duhtavaš go lohku lea unnon beliin 2018:s 2019:i, de lea ahkit jurddašit ahte bealli dain olbmuin geat leat duššan livčče eallime dál. Mii diehtit maid ahte ollugat geat ovdal leat vuodján gárrenoaivvis, dávjá dahket dan nuppes. Mun oaivvildan dan dihte ahte alkolohkka ferte ráđđehusa alkoholastrategiijai. Lea duođaštuvvon ahte sáhttá gádjut heakkaid, lohká Kristoffersen.

- Advertisement -
-Almmuhus-