Diibmá riegádedje 196 máná go eadneolmmoš lei jođus buohccivissui. Leat measta beali eambbo go ovddit jagi, ja alimus lohku gávcci jagis.
Diibmá riegádedje 196 máná go eadneolmmoš lei jođus buohccivissui. Leat measta beali eambbo go ovddit jagi, ja alimus lohku gávcci jagis.
Ođđa logut, maid Medisiinnalaš riegádanregisttar lea almmuhan, čájehit ahte diibmá ledje buot eanemus riegádahttimat fievrredeamis, gávcci jagis.
Juohke jagi riegádit birrasii 400 máná ambulánssas, priváhta biillas, droššes dahje ruovttus.
Diibmá riegádedje 176 máná ruovttus, mat rievtti mielde galge buohccivissui riegádahttit. 22 máná riegádedje eará sajiin, čájehit ođđa logut.
Romssas ii okta ge
Riegádahttimat fievrredeamis leat lassánan, 2015 riegádedje 103 máná. Diibmá riegádedje 196 máná.
Maŋemuš go nu olu riegádeamit ledje fievrredeamis, lei 2009, go 202 máná riegádedje juogo biillas dahje ambulánssas.
Logut čájehit ahte Sogn ja Fjordane fylkkas ledje eanemus riegádeamit fievrredeamis. Gaskamearálaččat riikkas leat 3,3 riegádeami fievrredeamis, juohke 1000 riegádeami nammii.
Romsa lei áidna fylkka gos ii lean okta ge riegádeapmi fievrredeamis, olles 2016:s.
Guhkes gaskkat
Björn Gunnarsson lea dutkan riegádemiid mat dáhpáhuvvet eará sajiin go buohcciviesus. Son oaivvilda ahte logut lassánit go riegádahttinfuolaheapmi guovdduštuvvo.
– Birrasii 40 jagi áigi ledje 160 riegádahttinásahusa Norggas. Dál leat 45. Leat guhkes gaskkat, ja dat dagaha ahte riegádeamit dáhpáhuvvet dávjjit go lea buohccivissui jođus, lohká Gunnarson Aftenpostenii.
Dearvvašvuođa- ja fuolahusdepartemeantta stáhtačálli Anne Grethe Erlandsen oaivvilda ahte ii leat duohta ahte riegádahttinfálaldat unnu Norggas.
Son čujuha ahte njuoratmánáid ja etniid jámolašvuohta lea unnon ja unnán. (©NTB)
