Álbmotdearvvašvuođainstituhta (FHI) logut čájehit ahte lea beali eambbo koronanjoammun priváhta doaluin go almmolaš olgobáikkiin.
Álbmotdearvvašvuođainstituhtta doivot ahte 9 proseantta sis, geaidda koronadávda njoamui 31/32 ja 32/33. vahkkuid Norggas, sidjiide njoamui dávda almmolaš olgobáikkiin.
Sullii 20 proseantta sis geaidda dávda njoamui seamma vahkkuid, sidjiide njoamui dávda priváhta doaluin čállá Dagbladet aviisa.
Álbmotdearvvašvuođainstituhta ossodatdirektevra Line Vold deattuha aviisii ahte daid vahkkoraporttaid logut eai leat áibbas čielgasat.
– Min statistihkkii bidjat mii daid njoammunbáikkiid maid olbmot dieđihit, ja dat sáhttá rievddadallat man buorre oppalašgeahčastat mis ja olbmuin lea das gos dávda lea njommon, muitala Vold aviisii.
(©NTB)
