Gjert Rognli «Dan maid luondu diehtá – What nature knows» nammasaš máŋgga mediála prošeaktačájáhusas leat rahpandoalut geassemánus.
Rognli lea máŋga internationála bálkkašumi vuoitán iežas filmmain «Life is a two-way dream – Eallin lea guovttesuorat niehku», ja filbma lea beaggán olgoriikkas.
Sámi Viessu dieđiha preassadieđáhusa bokte ahte čájáhusas lea oassin sihke Rognli beakkán filbma ja máŋgga mediála dáidda. Dáiddaprošeakta muittuha olbmuide sin čanastagaid lundui.
– Máŋgga mediála prošeavttain geassá Rognli sisa referánssaid iežas gullevašvuođas árktalaš Davvi-Norgii, čuvgii, seavdnjadassii ja jahkeáigodagaide, čállá Sámi Viessu preassadieđáhusas.
Čájáhus rahppo geassemánu 5. beaivve Sámi Viesus Oslos, ja lea rabas disdagaid ja gaskavahkkuid geassemánu 29. beaivvi rádjai.