Ovddeš máilmmi meašttir Ailo Gaupas fas leahttu, muhto dan háve jođiheaddjin ođđa tv ráiddus «Råskap».
Ovddeš máilmmi meašttir Ailo Gaupas fas leahttu, muhto dan háve jođiheaddjin ođđa tv ráiddus «Råskap».
Tv-ráiddus mii čavčča rájes álgá TV3 kanálas, lea namma «Råskap».
– «Råskap» gilvoprográmmas hástalit oasseválddiid atnit buot siskkáldas návccaid. Das galggat maid oaidnit olbmo gii duođai bagge iežas garrasit gilvalit sihke psyhkalaččat ja fysalaččat, Geahččit galget oaidnit ja dovdat garasvuođa, roavisvuođa, vara, bivastuvvama ja gatnjaliid, muitala preassa gulahallan olmmoš Andreas Framnes prográmma birra VG aviisii.
Mii leat hárjánan oaidnit valáštalliid leat gievrrat iežaset valáštallansurggiin, muhto dan prográmmas galget sii doaibmat vaikko makkárge garra rahčamušaid siste. Oasseválddit fertejit atnit buot návccaid mat sis leat, das ii ábut vuollánit, das ferte čájehit áigumuša ja gillát bákčasa.
Ovdal bargan
Ii leat gal vuosttaš gearddi go mii oaidnit Aillo, gii lea Mázes bajásšaddan, prográmmajođiheaddjin. Guokte jagi áigi lei son prográmmajođiheaddji «Norges tøffeste» tv-ráiddus, mii sáddejuvvui NRK3’is.
Oassálastit tv-ráiddus leat Johan Remen Evensen, Kai Robin Havnaa, Andreas Ygre Wiig, Vibeke Skoftrud, Kari Mette Johansen, Magnus Moan, Aleksander Bonsaksen, Thomas Myhre, Sara Nordenstram. Tiril Sjåstad Christiansen, Hedda Berntsen ja Thea Næss.
